Begoña Ibarrola – “Zeurea da errua” eta “Ausarten kluba”, bi liburu berri euskaratuak

2012-04-16| Iruzkinak 0

Begoña Ibarrolaren bi liburu berri ekarri ditu euskarara elkar argitaletxeak. “Zeurea da errua” eta “Ausarten kluba“. Ondorengo bi bideo hauetan, Begoña Ibarrola egileak liburuei buruzko azalpen zehatz eta interesgarriak egiten ditu: bakoitzaren jatorria, lantzen duten gai edo arazoaren garrantzia, planteamenduarebn zergatia, etab.

Zeurea da errua


Ausarten kluba

4. elkar ipuin eta ilustrazio lehiaketa

2012-02-15| Iruzkinak 0

IV elkar ilustrazkio eta ipuin lehiaketa

Iritsi da, hemen da elkar Ipuin eta Ilustrazio lehiaketa berriz ere. Urtero antolatzen du elkar fundazioak bost eta hamasei urte bitarteko haur eta gazteentzat literatur eta ilustrazio lehiaketa hau. Txikienek Josean Urbietaren “Tori zaharra, ekarri berria” ipuina ilustratu beharko dute eta gaztetxoek, aldiz, Eider Eibar ilustratzaileak egindako ilustrazioa ikusita ipuina asmatu beharko dute.beraz, lehiaketara ipuin idatziak edo ilustrazioak aurkeztu behar dira.

Lehiaketa eran antolatzen den jolas honen helburua haur eta gazteak literatura eta irakurketara hurbiltzea da. Aurreko ekitaldietan 4.000 lan inguru jaso izan dira, norbanakoen lanak guztiak, baina sarri ikastetxeen bitartez ere bideratu izan den partehartzeari esker jasotakoak.

Lehiaketan baliatuko den Josean Urbietaren ipuina, oraindik arigataragabea, maiatzaren amaieran kaleratuko da. Aurreko lehiektetetako ipuinak hauek izan ziren:

Josetxo hargina – Mitxel Murua
Hiru triku, hiru truku – Xabier Mendiguren
Hitz eta zaunka – Xabier Mendiguren

Hemen daude oinarriak.

II. Mikel Zarate haur literatur saria

2012-02-08| Iruzkinak 0

Lezamako Udalak eta Ekar argitaletxeak beste urte batez, Mikel Zarate lehiaketa antolatu dute. Lehiaketa honen bitartez haurrentzako irakurgai berriak sortu eta idazleen lana bultzatu nahi dira. 6-12 urte bitarteko haurrentzat  idazlanak sortu behar dira euskaraz. Lehiaketarako idazlanak aurkezteko epea, Maiatzaren 31a bitartekoa da.

Atzo aurkeztu zen prentsaurrean deialdi berria, eta bertan, joan den urteko irabazlearen lana ere aurkeztu zen, Julen Gabiriaren “Nire aita ikusezina“. (…)

J.L.Zumeta & Pako Aristi: Hamabi Zumeta istorio bati lotuta

Egilea: Jone Dorronsoro| 2011-12-02| Iruzkinak 0

Jose Luis Zumetak eta Pako Aristik elkarlanean liburu bat egin dute, “Scott Barberenaren bizitzako lehen pausoak”. Harri bitxi bat da, hamabi Zumeta gordeta dituen ipuin fantastiko eta, era berean, errealista.

Nondik nora elkarlan hau?
P.A.: Monika Zumeta izan zen kontu honen sortzailea, Zumetaren alaba. Halako triangelu bat gertatu zen. Nik miresten nuen Zumeta margolari moduan, estimatzen nuen, eta orain dela urtebete etorri nintzen hona berarekin bazkaldu eta estudioa ezagutzera. Gerora, Getarian paseatzen nenbilela Monika etorri zen niregana, esan zidan nor zen, gustatzen zitzaizkiola nire liburuak eta ideia proposatu zidan: “Zergatik ez duzue aitak eta zuk elkarrekin liburu bat egiten? Zuk istorioa idatzi eta berak ilustratuko luke.”

Eta zuk baietz, noski.
P.A.: Jakina! Baina esan nion Zumetak ez zuela nahiko, inoiz ez baitzuen horrelakorik egin. (…)